യോഗ ചികിത്സ ആർത്തവം ക്രമക്കേട്
എല്ലാ സ്ത്രീകളും ഒരുപോലെ നേരിടുന്ന ഒരു പ്രശ്നമാണ് സമയം തെറ്റിയുള്ള ആര്‍ത്തവും ആര്‍ത്തവ വേദനയും. ഹോര്‍മോണുകളുടെ സന്തുലനമില്ലായിമ ആര്‍ത്തവത്തിന്റെ തുടക്കത്തിലും അല്ലങ്കില്‍ ആര്‍ത്തവ വിരാമ സമയത്തും ക്രമം തെറ്റിയ ആര്‍ത്തവത്തിനും കാരണമാകാം. ശരീരത്തില്‍ ഹോര്‍മോണ്‍ നിലയിലുള്ള ഏറ്റക്കുറച്ചിലുകള്‍ ക്രമീകരിക്കാന്‍ ശരീരം ശ്രമിക്കുന്നതുകൊണ്ടാണ് ഇങ്ങനെ ക്രമം തെറ്റിയ ആര്‍ത്തവം ഉണ്ടാകുന്നത്.
മാസമുറ ദിവസങ്ങളില്‍ മിക്ക സ്ത്രീകള്‍ക്കും വയറുവേദനയും പുറംവേദനയും മറ്റും ഉണ്ടാകാറുണ്ട്. മനുഷ്യസ്ത്രീകളില്‍ മാത്രമല്ല പ്രസവിക്കുകയും മുലയൂട്ടുകയും ചെയ്യുന്ന ചില ജീവിവര്‍ഗങ്ങളിലും ഈ പ്രക്രിയ നടക്കുന്നുണ്ടെന്നാണ് ശാസ്ത്രം പറയുന്നത്. വളരെ സ്വാഭാവിക അവസ്ഥയായ ആര്‍ത്തവം പക്ഷേ ചിലര്‍ക്ക് വേദനയുടെ ശാരീരിക അസ്വസ്ഥതയുടെ ദിവസങ്ങളായി മാറാറുണ്ട്. ക്രമംതെറ്റിയ ആര്‍ത്തവത്തിന് നിരവധി കാരണങ്ങളുമുണ്ട്. അവയില്‍ പ്രധാനപ്പെട്ട കാരണങ്ങളിതാ;
- അമിതഭാരം ക്രമമല്ലാത്ത ആര്‍ത്തവമുണ്ടാകുന്നതിന് പ്രധാനകാരണങ്ങളിലൊന്നാണ്. അതുപോലെ തന്നെ അശാസ്ത്രീയമായ മാര്‍ഗങ്ങളിലൂടെയുള്ള ഭാരം കുറക്കുന്നതും ഇതിന് കാരണമാണ്.
- ഭക്ഷണരീതികളിലെ തകരാറുകള്‍ മൂലം ഹോര്‍മോണില്‍ വരുന്ന വ്യത്യാസങ്ങള്‍
- അനാരോഗ്യകരമായ രീതിയിലുള്ള വ്യായാമമുറകള്‍ .
- ഗര്‍ഭനിരോധന ഗുളികകളുടെ നിത്യേനയുള്ള ഉപയോഗം ആര്‍ത്തവചക്രത്തില്‍ മാറ്റം വരുന്നതിന് വളരെ പ്രധാന കാരണങ്ങളിലൊന്നാണ്. പ്രസവിച്ചിട്ടില്ലാത്ത സ്ത്രീകള്‍ ഇത്തരം ഗുളികകളുടെ ഉപയോഗം കഴിവതും ഒഴിവാക്കേണ്ടതാണ്.
- പോളിസിസ്റ്റിക്ക് ഓവറി ഡിസീസ് ആര്‍ത്തവസംബന്ധമായ അസുഖങ്ങള്‍ക്കും പല ബുദ്ധിമുട്ടുകള്‍ക്കും കാരണമാകാറുണ്ട്. സ്ത്രീകളില്‍ മാസമുറക്ക് കാരണമാകുന്ന ഹോര്‍മോണുകളുടെ പ്രവര്‍ത്തനത്തെ പോളിസിസ്റ്റിക്ക് ഓവറി ഡിസീസ് തടസ്സപ്പെടുത്തുന്നുണ്ട്
- തൈറോയിഡ് ഹോര്‍മോണിന്റെ വ്യതിയാനങ്ങള്‍ ആര്‍ത്തവ ക്രമക്കേടുകള്‍ക്ക് കാരണമാകാറുണ്ട്.
- പ്രമേഹം, ലൈംഗീകബന്ധത്തിലൂടെ പകരുന്ന രോഗങ്ങള്‍, ഗര്‍ഭപാത്രത്തിലെ മുഴകള്‍ തുടങ്ങിയവും ആര്‍ത്തവം ക്രമം തെറ്റിക്കുന്നതിന് കാ രണമാകാറുണ്ട്.
പെണ്‍കുട്ടികളില്‍ ആര്‍ത്താവ ആരംഭകാലത്ത് ക്രമം തെറ്റിവരാറുണ്ട് . ഇതിനെ ഭയക്കേണ്ടതില്ല. ഒന്നോ രണ്ടോ വര്‍ഷത്തോടെ ഇത്തരക്കാര്‍ക്ക് ആര്‍ത്തവചക്രം ക്രമമാവേണ്ടതാണ്.
പണ്ടുകാലത്ത് സ്ത്രീകൾക്ക് ചില വിലക്കുകൾ പറഞ്ഞിട്ടുള്ളത് അവരുടെ അസരോഗ്യത്തെ പ്രതി ആണെന്ന് ചിന്തിച്ചാൽ മനസ്സിലാകും. ഇന്ന് കാണുന്ന സ്ത്രീ സഹജമായ ഒരുപാട് രോഗങ്ങൾക്കുള്ള കാരണം ആർത്തവ സമയത്ത് സ്ത്രീകൾ വേണ്ട ശ്രദ്ധ കൊടുക്കാത്തതിനാൽ ആണ്. വിശ്രമം അനിവാര്യമായ ഈ സമയത്ത് അത് ലഭിക്കാൻ പൂർവ്വികർ അവരെ അടുക്കളയിൽ നിന്നും അകറ്റി നിർത്തിയിരുന്നു. ഇന്നവർക്ക് അടുക്കളയിൽ നിന്നും ഇറങ്ങാനെ കഴിയുന്നില്ല ഫലം ഗർഭാശയ രോഗങ്ങളും, മുഴകളും, ലൈംഗീക രോഗങ്ങളും, ത്വക്ക് രോഗങ്ങളും....
മാസമുറ ക്രമമാവാന്‍ മരുന്നുകള്‍ക്ക് പിന്നാലെ പോകേണ്ടതില്ല കാരണം പരിഹാരമാര്‍ഗങ്ങള്‍ നമ്മളുടെ വീട്ടില്‍ തന്നെയുണ്ട്. ആര്‍ത്തവസമയത്തെ വേദനകുറക്കുന്നതിനായി മരുന്നിനെ ആശ്രയിക്കുന്നത് ആരോഗ്യത്തിന് ദോഷം വരുത്തുന്നതിനാല്‍ നമുക്ക് പ്രകൃതിയെ കൂട്ടുപിടിക്കാം.
പ്രകൃതി ജീവനം
ആര്‍ത്തവ ക്രമക്കേടുകള്‍ പരിഹരിക്കാനുള്ള പരിഹാര മാര്‍ഗങ്ങള്‍ നമുക്ക് ചുറ്റും തന്നെയുണ്ട്.
- കാരറ്റ് ജ്യൂസ്, ഇഞ്ചി, മത്തന്റെ കുരു, കറ്റാര്‍വാഴ, മുന്തിരി ജ്യൂസ്, പപ്പായ, മഞ്ഞള്‍ തുടങ്ങിയവ ഗര്‍ഭാശയത്തിന്റെയും പ്രത്യൂല്‍പാദന ഹോര്‍മോണുകളുടെയും ശരിയായ ഉദ്പാദനത്തിനും പ്രവര്‍ത്തനങ്ങള്‍ക്കും സഹായിക്കുന്നു.
- ആര്‍ത്തവ സംബന്ധമായ പ്രശ്‌നങ്ങള്‍ക്ക് നല്ല ഒരു പരിഹാരമാണ് ജീരകം . ആര്‍ത്തവ കാലത്ത് ജീരകം വെള്ളത്തില്‍ കുതിര്‍ത്തു കഴിച്ചാല്‍ ആര്‍ത്തവ സംബന്ധമായ വേദന ഒരു വലിയ പരിധി വരെ തടയാന്‍ കഴിയും . ജീരകത്തില്‍ ധാരാളമായി iron അടങ്ങിയിട്ടുണ്ട് എന്നത് കൊണ്ട് ഇത് കഴിക്കുന്നത് ആര്‍ത്തവ കാലത്ത് രക്തസ്രാവത്തിലൂടെ ഇരുമ്പ് നഷ്ടപ്പെടുന്നവര്‍ക്ക് നല്ലൊരു പരിഹാര മാര്‍ഗ്ഗം ആണ് . ഒരു സ്പൂണ്‍ ജീരകം ഒരു സ്പൂണ്‍ തേന്‍ ചേര്‍ത്ത് ദിവസവും കഴിക്കുന്നത് ആര്‍ത്തവ പ്രശ്‌നങ്ങള്‍ക്ക് നല്ലൊരു പരിഹാര മാര്‍ഗ്ഗം ആണ് .
- എള്ള് കഴിക്കുന്നത് ആര്‍ത്തവ കാല പ്രശ്‌നങ്ങള്‍ക്ക് നല്ല ഒരു പരിഹാര മാര്‍ഗ്ഗം ആണ് . എള്ളില്‍ ശരീരത്തിന് ആവശ്യമായ പോഷകങ്ങളും മിനറലുകളും വിറ്റാമിനുകളും ധാരാളമായി അടങ്ങിയിരിക്കുന്നു .അതുകൊണ്ട് തന്നെ എള്ളിന് ആര്‍ത്തവത്തെ ശരിയായ ദിശയിലേക്കു നയിക്കുന്നതിനും വേദന കുറക്കുന്നതിനും കഴിവുണ്ട് . തലേദിവസം എള്ള് വെള്ളത്തില്‍ കുതിര്‍ത്തുവച്ച് പിറ്റേന്ന് ആ വെള്ളം ഊറ്റിയെടുത്ത് ദിവസം രണ്ടുനേരം കുടിക്കുന്നത് ആര്‍ത്തവം ക്രമമായി വരുന്നതിനും ആര്‍ത്തവ വേദന കുറക്കുന്നതിനും സഹായിക്കുന്നു .
- തുളസി ഔഷധ ഗുണങ്ങളുടെ ഒരു കലവറയാണ് . ഒരു ടീസ്പൂണ്‍ തേനും ഒരു ടീസ്പൂണ്‍ തുളസിയില നീരും ചേര്‍ത്ത് കഴിക്കുന്നത് ക്രമം തെറ്റിയ ആര്‍ത്തവതിനും ആര്‍ത്തവ വേദനക്കും നല്ലൊരു പരിഹാരമാണ്.
- ദിവസവും പച്ചപപ്പായ കഴിക്കുന്നത് ക്രമം തെറ്റിയ ആര്‍ത്തവം പരിഹരിക്കുന്നതിന് നല്ലൊരു പരിഹാരമാര്‍ഗ്ഗം ആണ് . പ്രത്യേകം ശ്രദ്ധിക്കുക ഗര്‍ഭിണികള്‍ ആയുള്ള സ്ത്രീകള്‍ യാതൊരു കാരണവശാലും പപ്പായ കഴിക്കരുത് ഇത് ഗര്‍ഭ ചിത്രത്തിന് കാരണമാകും .
- ആര്‍ത്തവ പ്രശ്‌നങ്ങള്‍ക്ക് നല്ലൊരു പരിഹാരമാണ് ചെമ്പരത്തിയും ചെമ്പരത്തി ചായയും. ചെമ്പരത്തി ശരീരത്തിലെ ഈസ്‌ട്രോജന്‍ പ്രോജെസ്ടിരോണ്‍ എന്നിവയുടെ അളവ് ക്രമീകരിക്കാനും അതുവഴി ആര്‍ത്തവം ക്രമീകരിക്കാനും സഹായിക്കും .
- ആര്‍ത്തവ ദിനത്തിലെ യോഗാസനം
ആര്‍ത്തവ കാലത്ത് പാലിക്കേണ്ട ശുചിത്വത്തെക്കുറിച്ച് സ്ത്രീകളില്‍ അവബോധം ഉണ്ടാക്കേണ്ടത് അത്യാവശ്യമാണ്. വയറു വേദന, തലകറക്കം, രക്തസ്രാവം, ഛര്‍ദ്ദി, തലവേദന തുടങ്ങി നിരവധി അസ്വസ്ഥതകള്‍ ആ സമയത്ത് ഉണ്ടാവുന്നുണ്ട്. അതുകൊണ്ട് തന്നെ ഇത്തരം അസ്വസ്ഥതകളെ ഇല്ലാതാക്കുന്നതിന് വേണ്ടിയാണ് എല്ലാവരും ശ്രദ്ധിക്കേണ്ടത്. അസ്വസ്ഥതകളില്‍ നിന്ന് പുറത്ത് കടക്കുന്നതിന് ചില കാര്യങ്ങള്‍ നമുക്ക് ശ്രദ്ധിക്കാവുന്നതാണ്. അതില്‍ പ്രധാനപ്പെട്ടതാണ് യോഗ. യോഗയുടെ അത്ഭുതഗുണങ്ങളെക്കുറിച്ച് നമുക്കെല്ലാം അറിയാവുന്നതാണ്. ഇത് ഡിപ്രഷന്‍, വേദന, മാനസിക പിരുമുറുക്കങ്ങള്‍ എന്നിവക്കെല്ലാം പരിഹാരം നൽകുന്ന ഒന്നാണ്. എന്നാല്‍ ആര്‍ത്തവ ദിനത്തില്‍ ചെയ്യാന്‍ പാടുള്ളതും ചെയ്യാന്‍ പാടില്ലാത്തതും ആയ ചില യോഗാസനങ്ങള്‍ ഉണ്ട്. അവ എന്തൊക്കെയെന്ന് നാം അറിഞ്ഞിരിക്കണം.
യോഗാസന പരിചയം
ശശാങ്കാസൻ, ശിഥില ദണ്ഡാസനം, ദണ്ഡാസനം, പശ്ചിമോത്താനാസനം,
ജാനു ശീർഷാസൻ, പാർവതാസൻ, ഉഷ്ട്രാസൻ, ഉത്താനാസൻ, ഉപവിഷ്ട കോണാസൻ തുടങ്ങി പ്രാണായമങ്ങൾ, ധ്യാനം, വിശ്രമാസനങ്ങൾ എന്നിങ്ങനെ. കൂടുതൽ കാര്യങ്ങൾ അറിയാനായി ഞങ്ങളുടെ ഓഫീസുമായി ബന്ധപ്പെടുക.
PCOD പുതിയ ബാച്ചിലേക്കുള്ള പ്രവേശനം ആരംഭിച്ചിരിക്കുന്നു. താഴെക്കാണുന്ന ലിങ്കിൽ നിങ്ങളുടെ പേര് രജിസ്റ്റർ ചെയ്യാം. വിളിക്കാം 9388038880, 9388803300
